Ինչպես գիտենք 21-րդ դարը ինֆորմացիայի դար է, որտեղ շատ կարևոր է գիտելիքն ու գրագիտությունը։ Ու դա վերաբերվում է բոլոր ոլորտներին։ Բայց մի շատ կարևոր ոլորտ, բաց է մնացել Հայաստանում ու անուշադրության է մատնվել։ Դա ֆինանսական գրագիտությունն է և երեխաների ֆինանսական դաստիարակությունը։ Այս խնդիրը նոր չէ և տարիներ շարունակ այս թեման անտեսվել է։ Ու սա այն թեման է, որի մասին ցավոք չեն խոսում ու չեն սովորեցնում մեր դպրոցներում․․ «Փողն ու բիզնեսը երեխաների համար» գիրքը ստեղծվել է նրա համար, որ այդ բացը որոշ չափով լրացնի։ Գիրքը շատ պարզ ու հասկանալի օրինակներով բացատրում է, թե ինչպես է ընդհանրապես առաջացել փողը, ինչպես տնօրինել այն, ինպես ճիշտ պլանավորել ծախսերը, ինչպես խնայել ու կուտակել, ինչ է իրենից ներկայացնում բանկը և ոնց է աշխատում։
